 |
|
|
||||||
 |
|
|
|
|
أدوات الموضوع |
12-08-2009, 10:52 PM
|
#1 | |
|
عضوة
|
طريقة عمل الفراخ المشوية
طريقة ع
لا يمكنكم مشاهده باقي المشاركة لأنك زائر ... فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً المصدر: الاصدقاء المصريين والعرب - من قسم: المطبخ المصري 'vdrm ulg hgtvho hgla,dm hgtvho |
|
|
|
12-08-2009, 10:56 PM
|
#2 | |
|
عضوة
|
جبتلكم النهاردة فراخ مشوية على طريقة الشيف يسري شفتها على قناة الحياة
من أسبوعين تقريباً ودخلت دماغي أوي وقررت اني أعملها في أقرب فرصة وفعلا عملتها وطلعت تحفة المقادير فرخة كاملة 1/2 كوب زبدة 2 ملعقة كبيرة زعتر 2 ملعقة كبيرة عصير ليمون ( ليمونة كاملة كبيرة) بشر ليمونة كسبرة ناشفة بهارات ملح وفلفل نجيب الفرخة ونغسلها كويس أوي وانا هنا جبت فرخة بلدي لأني بحب الفراخ البلدي جدا بس براحتك لو بتحبي الفراخ البيضا مفيش مشكلة بس الفرخة تكون صغيرة مش كبيرة علشان مايكونش فيها دهون وكمان تستوي بسرعة ونفصل الجلد عن اللحم بعد كده نعجن الحشوة مع بعضها وعلى فكرة بالنسبة للناس اللي بتعمل ريجيم مايخافوش خالص من الزبدة اللي هتحشوا بيها الفراخ هي هتدي لون ذهبي بس للجلد من بره وهتسيح وهتنزل كلها مع الصوص وممكن تكبيها بعد ما الفرخة تستوي غير كده احنا بنشيل جلد الفراخ عند الأكل بعد كده نجيب صينية نخرط فيها بصلة كبيرة وتكون متبلة بالملح والفلفل وممكن نحط عليها أعواد زعتر بعد كده نتبل الفراخ ونحشيها بالحشوة من جوا مابين الجلد واللحم ونكتفها كويس جدا نلف الجناح من ورا عكسي والوراك ممكن ندخلها في الفرخة نفسها او نلفها بخيط دوبارة ونحطها فوق البصل في النصف ندخلها فرن يكون متسخن قبل كده ونسيبها لمدة 10 دقائق على نار عالية ونخرجها تاني نلفها بورق سيلفر بعد كده ندخلها الفرن على نار متوسطة نسيبها لمدة نصف ساعة وبعدين نهدي عليها النار ونسيبها تستوي براحتها ع الهادي بعد كده نعمل الأرز وانا الحمد لله بعمل رز بالخلطة حلو أوي نقول بقا الطريقة أنا أخدت الكبدة والقناصة والقلب بتاع الفرخة قطعتهم قطع صغيره اوي وقطعت بصلة متوسطة شوحتهم في الزبدة وشوية زيت ذرة صغيرين ( لازم تحطي زيت علشان الرز مايلزقش منك ) وحطيت معاهم زبيب لوز مقطع (ممكن سوداني مقشر بيكون أحلى واطعم) معلقة كبيرة نعناع ناشف معلقة كبيرة كركم معلقة كبيرة قرفة ملح وفلفل بقلبهم كويس وأحمرهم في الزبدة بعد كده بنضيف الرز للخلطة دي وبنكون ناقعينه شوية في الميه بعد كده ضفت له الشوربة وسبته يستوي بالطريقة العادية بعد كده الفراخ استوت وطلعتها من الفرن وده كان شكلها وبعد ما الرز استوي حطيت الرز على طبق سيرفيس كبير وصوص الفراخ من حواليه وحطيت الفرخة في النصف وده كان شكلها النهائي وعلى فكرة انا نسيت ادهنها زبدة من فوق لو كنت دهنتها كان هيبقى لونها ذهبي أكتر من كده معلش بقا دي اول مرة أعمل فيها فراخ مشوية بالشكل ده بس حقيقي طلعت تحفة ريحتها كانت حلوة جدا جدا وهي في الفرن وطعمها كان يجنن بشر الليمون مع الزعترمديها طعم جنان جربوها وعلى ضمانتي وبالهنا والشفا 
|
|
|
|
|
12-09-2009, 05:47 PM
|
#3 | |
|
عضو مؤسس
|
ما شاء طريقة تجنن وسهلة جدا
هجربها واقولك ايه الاخبار ميرسى يا قمر |
|
|
|
| مواقع النشر (المفضلة) |
| الكلمات الدلالية (Tags) |
| المشوية, الفراخ, طريقة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كرات الكفتة المشوية بالبصل والطماطم | فاتن فؤاد | المطبخ المصري | 0 | 12-28-2011 08:03 PM |
| الكبة المقلية والكبة المشوية - منال العالم | زهرة الاصدقاء | المطبخ العربي والغربي | 0 | 08-16-2011 04:05 AM |
| حصريا لعبة Chicken Invaders 4 الفراخ الجزء الرابع | جارة القمر | العاب وبرامج ورسائل و صور و ثيمات | 5 | 11-28-2009 01:08 AM |
| الكفتة المشوية | عضو سابق | المطبخ المصري | 0 | 08-07-2009 01:16 PM |
حقوق المنتدى
الوصول السريع الوصول السريع
ضع رابطك هنا